+0 به يه ن

پاييز آتليلاري

          گۆز آتليلاري،

باغي باشدان باشا

          تارادي گئتدي.

لاله‌لر كرواني

          چيچك قفله‌سي[1]،

بيلمه‌ديم صباح‌كن

          هارايا يئتدي.

+0 به يه ن

صاباح نسيمي گليب

                   ده‌گمه‌دي قانادلاريما.

سحر يئليندن ايچيمده

                   بير آزجادا ايز يوخ

فلق سؤكۆلدۆ،

                   شفق‌ده قيزاردي قارشيمدا،

گؤزۆم ياييندي، امان!

                   يوخمو ايدي هئچ قوخوسو؟

غريبسه‌ديم «سميان» كؤرپۆسۆن

                   گئچنده صبا!

قوناق داي ائتميه‌جك

                   كند ايچينده،

                             كيمسه مني.

+0 به يه ن

من سونا يئتيشديم

                   هئچ باشلامادان،

قانادلاريم سيندي،

                   پريم تؤكۆلدۆ،

داي اوچانماديم.

به!

سونا يئتيشديم

          هئچ باشلامادان!

اردبيل- 1349

+0 به يه ن

كيمسه‌يه گؤزه‌ليم

                   مدح يازماديم،

                   بيليرسن بونو.

هئچ بير كيمسه‌يه ده

                   قويو قازماديم،

                   بيليرسن بونو.

دنيزدن دنيزه

          آخديم آزماديم،

          بيليرسن بونو.

+0 به يه ن

يئنه قلبيم دؤنۆب، دولانيب،

          اۆره‌گيم دولوب.

شعريم گلير يازماغا،

          بيلميرم نولوب.

ساوالان داغيندان يازماق ايستيرم

سايين قوجاغيندا قيزماق ايستيرم.

توفانلي يئل مني گؤتۆره‌يدي كاش،

اردبيل شهرينه يئتيره‌يدي كاش!

+0 به يه ن

خبر: كسرويچيلر سلطان شيخ صفي الدين اردبيلي‌يه

جسارت ائتميشلر.

سن آذربايجان‌سان دُشمنه بير پارچا اودسان

منيم قلبيمده وولكان سان

اليمده مشعليم، نوروم،

آدين معنا وئرير ميليونلار انسانا.

شفق‌لر، كسروي‌لر، رعدي‌لر، يحيي ذكالار

سومسونن كارنگ‌لر وارسا،

سنين ميليونلار اوغروندا عزيز جانين قويان واردير،

اوجا داغلاردا آصلان تك

خبيث گؤزلر اويان واردير.

سايين دا آدديم- آدديم‌‌عزّي فرّين‌ساخلايان واردير،

سايان واردير.

+0 به يه ن

آنا!

گئيدين كفن اوغلونلا بيرليكده،

گئديب سنگرده ياتدين قيش گۆنۆنده شانلي تبريزده.

دئدين:

«- گئتسين بۆتۆن شاهلار

عدالت بايراغي گؤيلرده يۆكسلسين،

امام گلسين!

امام گلسين!»

دۆشنده يئرلره شمشاد قدّي اوغلوون، بيردن

دئدين:

« - جلاّد وور من ده اؤلۆم گؤرسۆن وطن!»

ووردو، سني جلاّد قارشيندان.

ييخيلدين اوغلوون يانيندا جان وئردين.

+0 به يه ن

 (ائل قوشمالاري اساسيندا)

بويانا قاشديم تۆتۆندۆ

اويانا قاشديم تۆتۆندۆ.

آغ آلمالار بوتوندو!

آغ آلمانين ساچاغي،

اليمي كسدي پيچاغي.

ياغ گتيرين ياغليياق،

دستمال گتير باغليياق!

دستمال دوه بوينوندا،

دوه مغان يولوندا.

مغان يولو سر به سر

ايچينده بير قيز گزه‌ر.

قيز دانيشدي قاشيله

آلديم دوغا آشيله!

+0 به يه ن

تبريزين اركي نين آياغي آلتيندا

اردبيلدن گلن گؤزل بير جوان

سريلدي يئره.

ايكي آغ گؤيرچين

باشي اۆستۆنده

قوپدو اركين سؤكۆك- تؤكۆك بؤيرونه.

بيري دئدي:

-  باجي!

باشقاسي سؤيله‌دي:

- باجي! جان باجي!

+0 به يه ن

اردبيل شهرِ فضيلتدي شرف

گلمه اي خصم تميز يوردا طرف،

وطنيمدير، بؤيۆك ايرانيمدير!

هئچ زمان دشمن اؤنۆندن قاچماز

ائللرين خصمينه قوينون آچماز،

بير صداقتلي نگهبانيمدير.

وطني دشمنه ساتماز سن تك،

اورادان قالخدي شرفلي بابك

ملّي عهديم، اولو پيمانيمدير.