+0 به يه ن

خبر: كسرويچيلر سلطان شيخ صفي الدين اردبيلي‌يه

جسارت ائتميشلر.

سن آذربايجان‌سان دُشمنه بير پارچا اودسان

منيم قلبيمده وولكان سان

اليمده مشعليم، نوروم،

آدين معنا وئرير ميليونلار انسانا.

 

شفق‌لر، كسروي‌لر، رعدي‌لر، يحيي ذكالار

سومسونن كارنگ‌لر وارسا،

سنين ميليونلار اوغروندا عزيز جانين قويان واردير،

اوجا داغلاردا آصلان تك

خبيث گؤزلر اويان واردير.

سايين دا آدديم- آدديم‌‌عزّي فرّين‌ساخلايان واردير،

سايان واردير.

 

سؤزۆم قورتاماميش حالا

بابام سلطان صفي‌الدين

ياتيبدير اردبيل‌ده گؤزله‌يير اوغلو قيام ائتيسن

سنين اوغروندا جان وئرسين!

سووارسين ريشه‌وي قانيله

قان وئرسين

 

سنه كؤكدۆر تملدير اردبيل، تبريز!

سن آذربايجان‌سان، دشمنه بير پارچا اودسان!

 

الين آت ريشه‌وه

آت اردبيل‌ـه

شاه ختايي‌نين قيلينجين آل اله

دوغراگيلن سن ناخلف اولاديوي، تبريز!

دؤنۆك چيخدي، سنين احفاديوا

كتدي دئدي، مشدي دئدي،

گؤيدن دوروب باخدي بيزه.

آللاهادا عصيان ائديب، دين گتدي

قول چكدي بۆتۆن آلچاقليغا، تبريز!

ديلين داندي، ائلين داندي،

اؤزۆن همده پيمبر ساندي اول آزغين!

ايراق اولسون قيزيل باشلار گؤزۆندن

سيل اۆزۆندن لكّه‌ني تبريز!

سن آذربايجان‌سان، بير مقدس مقبره‌ن واردير

مقدس شهريميزده، اردبيل‌ده

بابام سلطان صفي الدين ياتيبدير

گؤزله‌يير اوغلو قيام ائتسين....

 اردبيل – 1349