+0 به يه ن
تبريزين اركي نين آياغي آلتيندا
اردبيلدن گلن گؤزل بير جوان
سريلدي يئره.
ايكي آغ گؤيرچين
باشي اۆستۆنده
قوپدو اركين سؤكۆك- تؤكۆك بؤيرونه.
بيري دئدي:
- باجي!
باشقاسي سؤيلهدي:
- باجي! جان باجي!
سؤيله سؤزۆن باجي، باشيمين تاجي!
- بيليرسن اركيمين، قوجا اركيمين
آياغي آلتيندا ييخيلان كيمدير؟
تورپاقلار اوزهره سريلن جوان
بو ايگيد اوغلان؟
- يوخ، بونو بيلميرم!
كيمدير سؤيله گؤرۆم؟
- اردبيلدن گلميش عاشيق ايگيددير،
يارالانميش قلبي، مجروح سينهسي
كسيلميش نفسي، باتميشدير سسي!
درماني تاپيلمير، درمانسيز قالميش!
- قاناديمدان ايندي بير پر سالارام
كاشكي اوغلان اونو گؤتۆره بيلسين
ايشيقلي دُنيايا اۆزۆنۆ توتسون
سينهسينين قانين پريمله سيلسين ...
تبريز- 1357