+0 به يه ن
قارداشيم بوشلا بو بوش سؤزلريوي
منه تبريزلي دئييرلر، البت!
اردبيل شهري ده عرفان يوردوم،
معبديم، قبلهگاهيم، جانيمدير،
نه تفاوت ائدهجكدير من اۆچۆن؟
وطنيم، آذربايجانيمدير!
يادا اويما، سنه يانماز اۆرهگي
سني تحقير ائلهييب آلچالدار.
تبريزين تاريخينه خورباخميش،
قاييديب باشيوا چيرپار قاپازي.
اونون اؤز خاصيتين من بيليرم،
اۆستۆوه دؤندهرجكدير آرازي.
يولونو اگمه گؤزل تبريزدن
گۆن به گۆن پارلاگيلن گؤيلره سن.
قلبيمين مدفنيسن، بيدار اول!
سنده تبريزدي دمادم دؤيۆنۆر.
ياد سنه، اردبيلـه فخر ائتمز،
سنيله آذربايجان اؤيۆنۆر.
1377