0
باخیش
یکشنبه 20 اسفند 1391
گور نفسيم
+0 به يه ن

فاعلاتن فعلاتن فعلاتن فعلن

تاكي بو جسم و تنيمده نفسيم وار منيم،

او قاشين طاقينا دلبر هوسيم وار منيم.

توركم آت اويناداراق فضل و صفا پايلاميشام،

ياركنددن وين ـه ساري سسيم وار منيم.

اؤتوكن‌ده يئني سئي،[1] ملك عجمده اترك،

ملك آذرده كوروم وار، ارس ـيم وار منيم.

صفحه‌ي شعريمه باخديقجا، رقيبه دئييرم،

بير مسيحا دمي تك هم‌نفسيم وار منيم.

باخما غربتده ساليب بي‌كس و يار ائتدي زمان،

آغير ائللر ساياغي يار و كسيم وار منيم.

توركتازي ائله‌سم مُلك سخن ده، ياراشير،

چون‌كه ساهر[2] كيمي فريادرسيم وار منيم.

تاكي گون سايه سالير، توپراغا دوزگون ياشارام،

اردبيل‌دن آلينان گور نفسيم وار منيم.


[1] ياركند، اؤتوكن، يئني سئي: شرقي توركستاندا يئر آدلاريدير.

[2] ساهر: حبيب ساهر، چاغداش مقاومت شعريميزين تمثيلچي‌سي.