+0 به يه ن
نهدن سن بو قدهر توتقونسان كؤنول،
كيمسه آچا بيلمير سنين عينيني.
اگر سئوگيلي يار وفا قيلمادي،
سن ده آيري دولان، آت بو سئوگيني.
عشقي ساتدين پولا، اوتانان سنسن،
اؤزونه گلهجك سني كوسدورن.
انتباه گونونده، سن اولماياندا،
گؤرهجك نه دُرّي وئريبدير الدن.
بوگون اردبيلـي، دونن مشكينـي،
بير- بير الدن وئردين يازيقلار اولسون!
چكينمه، ارينمه، آغلا، قوي گلسين،
قوي يانسين اورهگين، گؤزلرين دولسون.
باغيردين، چاغيردين، سايمادي سني،
نهدن سن اؤزگييه ساري يؤنَلدين؟
آجيغين اوتسايدين، اودا يانسايدين،
قالمازدين امّتسيز، اولمازدين بيدين.
اردبيل- نوروز 78