+0 به يه ن
قيزيم! بو دُنيادير كئچيب گئدهجك،
ياخشيليق يامانليق بوتون اؤتهجك،
اورهكسيز ياشايان اميدسيز اولار،
اميدده حياتين گولو بيتهجك.
قيزيم سحر اولدو، پنجرهني آچ،
سيجاق گولوشلرين حياتيما ساچ،
كپنكلر قونوب گوللر اوستونه،
اونلارين آردينجا بو باغلاردا قاچ!
قيزيم باخ دوپدورو آخماجا آخير،
باباوين گؤزودور گؤزونه باخير.
غضبي، اميدي، عشقي، سئوگيسي،
ايللردير ساوالان اوستوندن شاخير.
تبريز – 1377